భారత జట్టు ఇంగ్లండ్‌తో బుధవారం జరిగిన వన్డేలో అద్భుతమైన విజయం సాధించింది 142 పరుగుల తేడాతో భారత్ గెలిచింది. దీంతో 3-0 తేడాతో సిరీస్‌ను క్లీన్‌స్వీప్ చేసింది. ఈ విజయంతో భారత కెప్టెన్ రోహిత్ శర్మ అరుదైన రికార్డును తన ఖాతాలో వేసుకున్నారు ఇప్పటివరకు నాలుగు సార్లు వన్డే సిరీస్‌లను క్లీన్‌స్వీప్ చేసిన తొలి భారత కెప్టెన్ రోహిత్ శర్మ. 2022లో వెస్టిండీస్, 2023లో శ్రీలంక, న్యూజిలాండ్, 2025లో ఇంగ్లండ్ జట్లను ఓడించి ఈ ఘనత సాధించారు. ఈ ఘనతతో, రోహిత్ వన్డేల్లో నాలుగు వేర్వేరు జట్లను వైట్ వాష్ చేసిన తొలి భారత కెప్టెన్ అయ్యారు. తర్వాతి స్థానాల్లో మూడు సార్లు క్లీన్‌స్వీప్ చేసిన విరాట్ కోహ్లీ, మహేంద్ర సింగ్ ధోనీ ఉన్నారు. 14 ఏళ్ల కాలంలో అత్యధిక క్లీన్‌స్వీప్‌లను సాధించిన జట్టు గా టీమిండియా నిలిచింది. ప్రస్తుతం టీమిండియాకు 12 క్లీన్‌స్వీప్‌లు ఉన్నాయి.
న్యూజిలాండ్ 10 క్లీన్‌స్వీప్‌లతో రెండో స్థానంలో ఉంది ఈ విజయంతో భారత్ 2025 ఛాంపియన్స్ ట్రోఫీకి అద్భుతంగా సన్నద్ధతను పూర్తి చేసింది. ఈ నెల 19 నుంచి ప్రారంభం కానున్న ఐసీసీ టోర్నీలో రోహిత్ సేన తన తొలి మ్యాచ్‌ను బంగ్లాదేశ్‌తో 20న దుబాయ్‌లో ఆడనుంది. ఆ తర్వాత ఫిబ్రవరి 23న పాకిస్థాన్‌తో తలపడనుంది.భారత జట్టు ఈ ఘనత సాధించడం, రోహిత్ శర్మకు ఈ అరుదైన రికార్డు రావడం, టిమ్‌ ఇండియాకు ఎంతో సంతోషాన్ని కలిగిస్తున్నాయి. 2025 ఛాంపియన్స్ ట్రోఫీకి భారత్ ప్రిపరేషన్స్ పూర్తి చేసుకోవడం, క్రికెట్ అభిమానులకు మరింత ఉత్సాహాన్ని కలిగిస్తోంది.భారత జట్టు ప్రస్తుతం అద్భుతమైన ఫామ్‌లో ఉంది. వచ్చే ఐసీసీ టోర్నీకి ముందు, ఇంగ్లండ్ పై ఈ ఘన విజయంతో భారత జట్టు మరింత శక్తివంతంగా కనిపిస్తోంది.
