ప్రధాని న‌రేంద్ర మోదీ ప్రస్తుతం విదేశీ పర్యటనలో ఉన్నారు సోమ‌వారం ఆయన నాలుగు రోజుల ప‌ర్య‌ట‌న కోసం బయలుదేరారు. ఈ నేప‌థ్యంలో ఆయన ప్రయాణిస్తున్న విమానంపై ఉగ్ర‌దాడి బెదిరింపు కలకలం రేపింది. ముంబ‌యి పోలీసులు అందించిన సమాచారం మేరకు మోదీ ఫ్లైట్‌ను లక్ష్యంగా చేసుకుని ఉగ్ర‌దాడి జరగవచ్చని సమాచారం అందిందని తెలిపారు.ఫిబ్రవరి 11న ముంబ‌యి పోలీస్ కంట్రోల్ రూమ్‌కు ఒక ఫోన్ కాల్ వచ్చింది ఆ కాల్ చేసిన వ్యక్తి మోదీ విదేశీ పర్యటనలో ఉన్న విమానంపై ఉగ్ర‌దాడి జరగవచ్చని బెదిరించాడు. ఈ కాల్ ప్రస్తుతం ఉన్న తీవ్రత‌ను పరిగణనలోకి తీసుకుని ముంబ‌యి పోలీసులు వెంటనే ఇతర దర్యాప్తు సంస్థ‌లను అప్రమత్తం చేశారు.
పోలీసులు చేసిన దర్యాప్తులో ఆ ఫోన్ కాల్ చేసిన వ్యక్తిని గుర్తించి అదుపులోకి తీసుకున్నారు అయితే అతని మానసిక పరిస్థితి సరిగా లేదని ఈ విష‌యంపై ఇంకా లోతుగా దర్యాప్తు చేస్తామ‌ని పోలీసులు తెలిపారు. ప్రధాని మోదీ ప్రస్తుతం ఫ్రాన్స్ పర్యటనలో ఉన్నారు. ఈ రోజు కృత్రిమ మేధ స‌మావేశంలో పాల్గొన‌డానికి ఆయన అక్కడ ఉన్నారు. ఈ సదస్సు అనంత‌రం, ప్రధాని అమెరికా ప‌ర్య‌ట‌న‌కు వెళ్లిపోతారు. అగ్ర‌రాజ్యంలో రెండు రోజుల పాటు ప‌ర్య‌టించేందుకు ఆయన బయ‌లుదేర‌నున్నారు. ఈ పర్యటనలో భాగంగా, ప్రధాని ట్రంప్‌తో సమావేశం కానున్నారు.
ప్రధాని మోదీ విదేశీ ప‌ర్య‌ట‌నల ద్వారా దేశానికి గౌరవాన్ని తీసుకురావడంపై ఎక్కువ దృష్టి పెట్టారు. ఈ ప‌ర్య‌ట‌నలలో వాణిజ్య సంబంధాల‌ను పెంచుకోవడం విదేశీ అర్థ‌వ్య‌వ‌స్థ‌కు బలమైన మద్ద‌తు అంద‌చేయడం ప్రధానంగా ఉండ‌టంతో పాటు ముఖ్య‌మైన దేశాధ్యక్షులతో ఆప‌ణ బంధాలు పటిష్టం చేయ‌డం కూడా ఉన్నది.ఇదిలా ఉంటే మోదీకి ఉగ్ర‌దాడి బెదిరింపు వ‌చ్చినప్పటికీ వారు ప్రస్తుతం ఉన్న ప‌ర్య‌ట‌న‌లపై నిరంతర స‌మ‌న్వ‌యం చేస్తూ, దేశానికి మేలు చేసే కార్యక్రమాలను చేపడుతున్నట్లు తెలుస్తోంది.
