click here for more news about 2025 ఐసీసీ ఛాంపియన్స్ ట్రోఫీ
2025 ఐసీసీ ఛాంపియన్స్ ట్రోఫీ ఆటలు కేవలం మూడు రోజుల్లో ప్రారంభంకానున్నాయి.ఫిబ్రవరి 19 నుండి పాకిస్థాన్,దుబాయ్ వేదికలపై ఈ టోర్నీ జరగనుంది.ఇది వన్డే ఫార్మాట్ లో జరిగే అత్యంత ప్రతిష్టాత్మక పోటీగా మరిన్ని అంచనాలు పెంచుతుంది. ఈమెగా ఈవెంట్ లో భారత్ మ్యాచ్ లపై ఐసీసీ తీసుకున్న కీలక నిర్ణయం ప్రత్యేకంగా ఉంది. భారత జట్టు ఆడే మ్యాచ్ లకు అదనపు టికెట్లు విడుదల చేయాలని ఐసీసీ నిర్ణయించింది.భారత జట్టు ఈ ఛాంపియన్స్ ట్రోఫీలో గ్రూప్-ఏలో చేరింది. టీమిండియా ఈ నెల 20న బంగ్లాదేశ్ తో, ఫిబ్రవరి 23న పాకిస్థాన్ తో, మార్చి 2న న్యూజిలాండ్ తో లీగ్ దశ మ్యాచ్ లు ఆడనున్నది.ఈ మ్యాచ్‌లకు ఇప్పటికే టికెట్లు విడుదల చేసిన ఐసీసీ,ఇప్పుడు అదనపు టికెట్లను కూడా అందుబాటులో ఉంచింది.
టీమిండియా అభిమానులకు ఇది గొప్ప శుభవార్త. ఇందులో మరొక ముఖ్య విషయం ఏమిటంటే,భారత్ అన్ని మ్యాచ్‌లను దుబాయ్ లో ఆడనుంది.అయితే, భారత్ ఫైనల్ కు చేరితే, ఫైనల్ మ్యాచ్ కూడా దుబాయ్ లోనే జరుగుతుందని ఐసీసీ స్పష్టం చేసింది. ఈ టోర్నీలో సెమీఫైనల్ మ్యాచ్ లకు పరిమితమైన టికెట్లు అందుబాటులో ఉండనున్నాయి.కానీ, ఫైనల్ మ్యాచ్ కు టికెట్లు ఇంకా విడుదల చేయలేదు. ఐసీసీ తెలిపిన ప్రకారం, ఫైనల్ మ్యాచ్ వేదిక పాక్ లోనా లేదా దుబాయ్ లోనా అనేది టీమిండియా పర్ఫార్మెన్స్ పై ఆధారపడి ఉంటుందని వెల్లడించింది.
ఇక, సెమీఫైనల్ మ్యాచ్ సందర్భంగా,టీమిండియా ఓడితే ఫైనల్ మ్యాచ్ లాహోర్ లో జరగనుంది. టీమిండియా గెలిస్తే, ఫైనల్ దుబాయ్ లోనే జరుగుతుంది.అందుకే, సెమీఫైనల్ అనంతరం ఫైనల్ మ్యాచ్‌కు సంబంధించిన స్పష్టత బాగా వస్తుందని ఐసీసీ పేర్కొంది.భారత జట్టు నలుగురు తీవ్రమైన ప్రత్యర్థులైన బంగ్లాదేశ్, పాకిస్థాన్, న్యూజిలాండ్ తో పోటీ పడతోంది. వాటికి సంబంధించి, టికెట్లు త్వరగా ఫిలప్ అవుతున్నాయి.
